Supermodelja Naomi Campbell u takua me kryeministren tajlandeze Paetontarn Shinawatra në Bangkok për të diskutuar mbi zhvillimin e industrisë së modës në vend.
Ajo ishte e ftuar nga ish-kryeministrja Thaksin Shinawatra, i cili kërkoi këshillat e saj për të ndihmuar modelët e rinj tajlandezë të arrijnë sukses ndërkombëtar.
Gjatë vizitës, Campbell mahniti me një veshje elegante Chanel, duke treguar edhe një herë ndikimin e saj në botën e modës, shkruan DailyMail.
Ajo diskutoi mbi mënyrat për ta kthyer Tajlandën në një qendër globale të modelingut dhe modës përmes bashkëpunimeve strategjike dhe shkëmbimeve kulturore.
Ndërkohë, emri i Campbell mbetet në qendër të vëmendjes për shkak të një skandali financiar të lidhur me bamirësinë e saj, Fashion for Relief.
Një hetim në Mbretërinë e Bashkuar zbuloi keqmenaxhim të fondeve, përfshirë shpenzime luksoze nga llogaritë bamirëse. Për këtë arsye, ajo është skualifikuar si kujdestare bamirësie për pesë vjet.
Modelja ka mohuar çdo përfshirje të drejtpërdrejtë në keqpërdorimin e fondeve dhe ka nisur një betejë ligjore për të zbardhur të vërtetën.
Campbell, e cila ka bërë histori në industrinë e modës, deklaroi se do të vazhdojë të mbrojë transparencën në filantropi dhe të promovojë mundësi për talentet e reja në botën e modës.
