Ylli në ngjitje, Tyla, 23 vjeçe, bëri një hyrje mahnitëse në skenën e famshme të festivalit Coachella, duke e lënë publikun pa fjalë me paraqitjen e saj tejet sensuale, përcjell Bota sot.
E veshur me geta të grisura, të shkëlqyeshme dhe jashtëzakonisht të pakta, këngëtarja afrikano-jugore tregoi se stili dhe vetëbesimi janë armët e saj më të forta.
Pjesë e veshjes ishin edhe geta rrjete të grisura, të cilat e kompletonin pamjen provokuese dhe që ngjallën reagime të shumta në rrjetet sociale.
Fansat e saj në publik dhe në internet nuk e kursyen entuziazmin, duke e vlerësuar performancën si një ndër më të zjarrtat e natës.
Tyla po shndërrohet me shpejtësi në një ikonë të re të muzikës pop dhe stilit, dhe Coachella duket se ishte skena ideale për të dëshmuar sërish se është një emër për t’u mbajtur mend.
