Kaia Gerber dha një paraqitje mahnitëse teksa doli në skenë për të ndarë një çmim në hotelin “The Beverly Hilton” të enjten.
Modelja dhe aktorja 24-vjeçare tërhoqi vëmendjen me një fustan elegant të kuq, të shkurtër, të kombinuar me taka të zeza Christian Louboutin, duke vënë në pah këmbët e saj të gjata dhe të tonifikuara.
Kaia mori pjesë në ceremoninë “Women In Film Honors 2025” në Los Anxhelos, ku i rezervoi një surprizë bashkëyllit të saj nga seriali Palm Royale, aktoren Kristen Wiig, 52 vjeçe, duke i dorëzuar Çmimin “Ikonë”, shkruan "Daily Mail", transmeton "Bota sot.
Nga podiumi, Kaia tha:
“Sonte ne festojmë gruan që na mësoi se komedia është art, se kaosi mund të jetë i bukur, se marrëzia e sinqertë nuk është vetëm e lejueshme, por e domosdoshme në jetë — dhe se të jesh vetvetja, pa ndjesi faji, është gjesti më ikonik nga të gjithë.”
