Kim Kardashian ka tërhequr sërish vëmendjen në Los Anxhelos, duke ekspozuar format e saj në një bluzë lëkure tejet të hapur në pjesën e gjoksit, pak ditë pasi u zbulua se ajo po shoqërohet me pilotin britanik të Formula 1, Lewis Hamilton.
Të dielën u raportua se dyshja janë në një lidhje, pasi kaluan një fundjavë romantike në Mbretërinë e Bashkuar, ku shijuan një darkë intime dhe një masazh për çifte, larg syrit të publikut.
Tani, ylli i “The Kardashians”, 45 vjeçe, është rikthyer në SHBA dhe u fotografua teksa po dilte për drekë në Calabasas, Kaliforni. Dukshëm e lumtur dhe plot shkëlqim, nëna e katër fëmijëve u shfaq me një veshje të guximshme totalisht të zezë.
Themeluesja e SKIMS zgjodhi një body lëkure shumë të ngushtë pas trupit, i cili mezi mbulonte dekoltenë e saj, duke e kombinuar me pantallona të gjera Balenciaga dhe një xhaketë Saint Laurent. Për ta kompletuar pamjen elegante, Kim kishte vendosur syze të errëta dhe një shami të zezë në kokë.
E kuruar deri në detaje, ajo u fotografua teksa hipte në makinë, duke reflektuar një stil të fortë, modern dhe pa përpjekje.
Më herët, aktorja e “All’s Fair” kishte udhëtuar nga Los Anxhelosi drejt Mbretërisë së Bashkuar me avionin e saj privat për të kaluar kohë me yllin e Formula 1, 41 vjeç. Kim kishte mbërritur me një sasi të madhe bagazhesh për qëndrimin e saj të shkurtër në resortin ekskluziv Estelle Manor në Cotswolds, ndërsa çifti shoqërohej nga tre truproja për sigurinë e tyre.
Romanca e re duket se e ka vendosur Kim Kardashian në një “flluskë dashurie”, ndërsa çdo paraqitje e saj vazhdon të jetë në qendër të vëmendjes mediatike.
