Aktori i njohur Josh Duhamel dhe gruaja e tij, Audra Mari, po presin fëmijën e tyre të dytë.
Të enjten në mbrëmje, Audra njoftoi shtatzëninë e saj përmes Instagramit, duke shkruar: “Po shtojmë një vajzë në historinë tonë… Nuk mund të presim ta takojmë.”
Ajo publikoi gjithashtu foto bardh e zi ku duket barku i saj që po rritet me foshnjën.
Duhamel komentoi në postimin e bashkëshortes së tij: “Nuk mund të pres të takoj atë vogëlushen e ëmbël. Të dua, mami.”
Çifti është tashmë prindër të djalit Shepherd, 2 vjeç. Duhamel gjithashtu është baba i djalit Axl, 12 vjeç, nga martesa e tij e mëparshme me Fergie.
Vitit të kaluar, Duhamel kishte shprehur dëshirën për të pasur më shumë fëmijë me Mari, duke shprehur edhe shpresën për një vajzë. Ai i tha revistës People: “Shpresojmë të kemi një tjetër. Shpresojmë të jetë vajzë, ndoshta edhe djalë. Do të shohim.”
Duhamel ka pasur gjithmonë në mendje zgjerimin e familjes që nga viti 2018, dhe tani duket se ëndrra po bëhet realitet.
