Kris Jenner është krenare për transformimin e vajzës së saj Kylie Jenner, nga një adoleshente në një manjat të industrisë së bukurisë, dhe nuk humb asnjë rast për të lavdëruar aftësitë e saj në biznes. 💄
Shefja e klanit Kardashian-Jenner, 70 vjeçe, tregoi se e ndihmoi themeluesen 28-vjeçare të Kylie Cosmetics të hidhte hapat e parë gjatë episodit të së hënës të podcastit SmartLess, sipas People.
Jenner u rrëfeu moderatorëve Jason Bateman, Sean Hayes dhe Will Arnett se Kylie iu afrua një ditë në vitin 2015 me idenë për të krijuar markën e saj. Në atë kohë, Kylie ishte vetëm 17 vjeçe.
“Ajo më tha: ‘Mami, e di çfarë dua të bëj për pjesën tjetër të jetës sime — bukurinë. Dua të krijoj këtë Lip Kit dhe tani duhet ta marrësh këtë ide dhe ta bësh realitet,’” kujtoi Kris.
Menaxherja e famshme — e cila së fundmi mohoi pretendimin e Ray J se videoja intime e Kim Kardashian ishte e inskenuar — zbuloi se më pas kontaktoi persona të ndryshëm për ta realizuar projektin dhe hartoi një plan marketingu së bashku me vajzën e saj.
“I thashë: ‘Mirë, çfarë do të bëjmë për marketingun? Na duhet një reklamë në revistën People dhe një billboard,’” tregoi ajo. ✨
