Ndërsa performanca nostalgjike e Justin Bieber në Coachella 2026 ka marrë reagime të përziera në rrjete sociale, bashkëshortja e tij, Hailey Bieber, ka reaguar ndaj kritikave me një mesazh mbështetës dhe emocional.
Themeluesja e markës Rhode publikoi më 13 prill një seri fotosh nga fundjava e parë e festivalit, duke e përshkruar përvojën si shumë të veçantë:
“Fundjavë kaq e veçantë. Askush nuk e di as edhe një pjesë të vogël të asaj që ka kushtuar të arrijmë këtu. Jam jashtëzakonisht mirënjohëse për këtë jetë të bukur. Shumë krenare. Ta bëjmë sërish!”, shkroi ajo.
Në fotot e publikuara shihet Hailey së bashku me Justin dhe djalin e tyre 19-muajsh, Jack Blues Bieber, në hapësirat e festivalit. Disa imazhe të tjera tregojnë Hailey-n duke kërcyer me vogëlushin ndërsa shikonin provat e Justin-it në një fushë pothuajse të zbrazët.
Një nga momentet më të veçanta të albumit ishte edhe fotoja e dorës së Jack-ut, me një tatuazh të përkohshëm të personalizuar nga Inked by Dani, ku shkruhej “Bieberchella” brenda një zemre me stil gjembash—një nofkë që fansat i kanë dhënë performancës së Justin-it këtë vit si headliner në Coachella.
Për të forcuar edhe më tej mbështetjen e saj, Hailey ripostoi gjithashtu një video në TikTok nga ish-ylli i “Traitors”, Gabby Windey, e cila vlerësonte performancën e Justin-it.
