Rosie Huntington-Whiteley tregoi linjat e saj mbresëlënëse me një bikini të bardhë, ndërsa relaksohej në një shezlong nën diell në disa foto nostalgjike nga një udhëtim në Brazil.
Supermodelja, 39 vjeçe, vuri në pah trupin e saj të tonifikuar me një bikini me teksturë dhe detaje të mëdha ari, ndërsa promovonte një suplement kundër fryrjes së barkut.
Nëna e dy fëmijëve u shfaq pa grim, duke treguar bukurinë e saj natyrale, teksa pozonte e shtrirë në dhomën luksoze të hotelit për fotot e publikuara në Instagram të dielën, shkruan Daily Mail, transmeton "Bota sot".
Postimi i ri i Rosie-t erdhi vetëm pak ditë pasi ajo bëri një vizitë të shkurtër në Festivalin e Filmit në Kanë me të fejuarin e saj, yllin e filmave aksion, Jason Statham, 58 vjeç.
Çifti — prindër të djalit Jack, tetë vjeç, dhe vajzës Isabella, katër vjeçe — pozoi jashtë hotelit luksoz Hotel du Cap-Eden-Roc, ku një natë kushton rreth 2,000 paund, ndërsa shijonin një mbrëmje të ngrohtë në jug të Francës.
