Yjet e sportit u kthyen në qendër të vëmendjes në Javën e Modës në Londër, teksa kampionet britanike Keely Hodgkinson dhe Katarina Johnson-Thompson lanë për pak kohë pistat sportive për t’u ulur në rreshtin e parë të sfilatës së Burberry.
Hodgkinson, një nga emrat më të njohur të atletikës britanike, dhe Johnson-Thompson, kampione në heptatlon, tërhoqën vëmendjen me paraqitjet e tyre elegante në eventin prestigjioz të modës.
Të dyja sportistet u shfaqën me stile të kuruara, duke dëshmuar se tashmë janë të pranishme jo vetëm në arenat sportive, por edhe në eventet më të rëndësishme të modës.
Prania e tyre në sfilatën e Burberry i dha eventit një tjetër dimension, duke bashkuar botën e sportit me atë të modës dhe duke treguar se atletet britanike po bëhen gjithnjë e më të kërkuara edhe në skenën e showbizit.
Hodgkinson dhe Johnson-Thompson u fotografuan në rreshtin e parë, ku ndoqën prezantimin e koleksionit të ri të markës britanike, mes emrave të njohur të modës dhe personazheve të famshëm.