IOC marrëveshje me OBSH, plan për vaksinimin e sportistëve në “Tokio 2020”

Futboll

IOC marrëveshje me OBSH, plan për vaksinimin e sportistëve në “Tokio 2020”

Më: 28 janar 2021 Në ora: 19:03
IOC marrëveshje me OBSH, plan për vaksinimin e sportistëve në “Tokio 2020”

Komiteti Olimpik Ndërkombëtar (IOC) ka një plan konkret për të bërë të mundur vaksinimin e të gjithë sportistëve që do të marrin pjesë në Lojërat Olimpike “Tokio 2020”, që do të zhvillohen këtë verë. Lajm ky që konfirmohet nga e përditshmja britanike “Daily Telegraf”.

IOC ka një plan strategjik në bashkëpunim me Organizatën Botërore të Shëndetësisë (OBSH), duke nisur në periudhën prill-qershor një vaksinim masiv të sportistëve të kualifikuar apo kandidatë për të shkuar në Olimpiadë në gjithë botën. Kjo, për të bërë të mundur zhvillimin e një eventi sa më të sigurt.

Të përfshirë në këtë plan do të jenë jo vetëm sportistët por edhe trajnerët e tyre, gjyqtarët, mjekët deri në drejtues apo shoqërues të delegacioneve olimpike.

Ky vaksinim i rreth 25-30 mijë personave në total në gjithë botën do të lehtësonte punën përgjatë Olimpiadës vetëm me kontrolle të shpeshta dhe jo anullime eventesh.

comment Për komente lëvizni më poshtë
Sot mund të lexoni Shfletoni kopertinat