Pioli: Tregojmë vështirësi me skuadrat mbrojtëse

Futboll

Pioli: Tregojmë vështirësi me skuadrat mbrojtëse

Më: 3 mars 2021 Në ora: 23:39
Pioli: Tregojmë vështirësi me skuadrat mbrojtëse

Pas barazimit zhgënjyes 1-1 të Milanit ndaj Udinezes në sekondat e fundit falë penalltisë së shndërruar në gol nga Kesi, në mikrofonat e “DAZN” është shfaqur trajneri i kuqezinjve Stefano Pioli ku duket tejet i zhgënjyer nga rezultati:

Barazimi ndaj Udinezes – “Ne donim të fitonim. Mëkat, ne e dinim që do ta kishim të vështirë kundër një ekipi që mbyllet në mbrojtje.”

Ndeshja e sotme – “Unë pashë vendosmëri dhe mungesë qartësie. Kishte mungesë të cilësisë dhe ritmit, jo zemërim dhe vendosmëri.”

Reagimi pas golit – “Si gjithmonë, ne fillojmë përsëri nga ndeshja tjetër. Çdo lojë ka historinë e vetë. Udineze luan lojë mbrojtëse. Duhej të gjenim më shumë duele, dueli i vetëm që arritëm të fitonim në pjesën e parë është aksioni i Kastijehos.”

Leao – “Unë gjithmonë pres shumë nga lojtarët e mi. Leao ka karakteristika më të përshtatshme për të sulmuar hapësira.

Kur gjen mbrojtje të tilla të mbyllura, ai nuk ka akoma zgjuarësinë për të parashikuar mbrojtësin. Sot na munguan karakteristikat e duhura për të përballuar këtë lloj ndeshje, na munguan dy sulmuesit e vërtetë në skuadër. Leao dhe Rebiç kanë karakteristika të tjera".

Shfaq komentet
comments powered by Disqus
Sot mund të lexoni Shfletoni kopertinat