Stadiumi ‘Fazanerija’ nga Murska Sobota në Slloveni, do të presë ndeshjen e kthimit midis kampionit të Maqedonisë së Veriut Shkendija nga Tetova dhe Murës nga Sllovenia, në raundin e parë kualifikues të Champions League.
Është një stadium interesant, me kapacitet prej vetëm 3,782 ulësesh. Ndodhet në Murska Sobota, në pjesën verilindore të Sllovenisë.
Ky stadium është një "bazë" e Dinamos së Zagrebit kur përgatitet në Slloveni.
Kryesisht skuadrat që nuk kanë stadiume ose me një kapacitet më të vogël, luajnë në një qytet tjetër siç është rasti i Shkëndijës që do të luajë në Arenën Kombëtare në Shkup.
Sidoqoftë, "Fazanerija" plotëson kushtet, të paktën për raundin e 1-rë kualifikues. Ende nuk dihet nëse do të ketë shikues.