Mbyllet me sukses kursi i trajnerit të përgatitjes atletike

Futboll

Mbyllet me sukses kursi i trajnerit të përgatitjes atletike

Më: 10 shtator 2021 Në ora: 10:30
Mbyllet me sukses kursi i trajnerit të përgatitjes atletike

Federata Shqiptare e Futbollit ka përfunduar me sukses edicionin e pestë të kursit për trajnerin e përgatitjes atletike.

Ky kurs që startoi më datën 27 prill dhe që përfundoi më 28 maj  u zhvillua nën kujdesin e stafit të përgatitësve atletikë në Sektorin e Edukimit të FSHF, Luigi Febbrari, Luca Laurenti, Iris Selimi, por edhe ekspertë të tjerë të fushës nga Shqipëria dhe jashtë saj. Në këtë kurs u përfshinë 30 lektorë të huaj, ndër të cilët emra të njohur si Ferretto Ferretti, Francesco Perondi, Roberto Sassi, Gianluca Stesina, Carlo Cruz, etj.

Ditën e sotme, janë shpërndarë diplomat për pjesëmarrësit, të cilët ishin pjesë e këtij kursi që u zhvillua edhe përmes platformave online, për shkak të kushteve të imponuara nga pandemia Covid-19.  Në ceremoninë e zhvilluar në ambientet e stadiumit “Air Albania” morën pjesë stafi i përgatitësve atletikë, me në krye Luigi Febbrarin, Drejtori Teknik i FSHF, Giancarlo Camolese, por edhe stafi i ekipit Kombëtar, trajneri Edoardo Reja, zv.trajnerët Sergio Porrini, Hamdi Salihi e Ervin Bulku.

Gjatë shpërndarjes së diplomave, trajneri Reja vlerësoi punën e mirë të bërë nga Federata e Futbollit në këtë drejtim, duke theksuar se përgatitësi atletik është një nga figurat më të rëndësishme për një ekip. Ai i uroi suksese të sapodiplomuarve në këtë fushë.

Gjithashtu, edhe përgatitësi atletik i Kombëtares, Luigi Febbrari u shpreh i kënaqur për mbështetjen e FSHF-së dhe hapësirat që ka krijuar për të zhvilluar kurse të tilla. Febbrari theksoi se edhe nga ana e pjesëmarrësve ka pasur mjaft interes, si dhe u uroi suksese në këtë fushë.

Kjo nuk ishte hera e parë që FSHF-ja organizon një kurs të tillë. Sipas rregullores së re të FSHF-së, klubet e Kategorisë Superiore e kanë të detyrueshme prezencën e një përgatitësi atletik në stafet e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat