Solksjaer nuk ka frikë nga shkarkimi

Futboll

Solksjaer nuk ka frikë nga shkarkimi

Më: 16 tetor 2021 Në ora: 23:55
Solksjaer nuk ka frikë nga shkarkimi

Ole Gunnar Solskjaer i ka shpëtuar shkarkimit edhe pas humbjes 4-2 në fushën Leicester City-t.

Në fakt, do të dukej absurde që norvegjezi të pushohej nga puna për një disfatë, por në fakt nuk bëhet fjalë vetëm për turpërimin e fundit në “King Powr Stadium”, pasi “Djajtë e Kuq” kanë marrë vetëm një pikë në tri takimet e fundit në Premier, pasi janë mposhtur gjithashtu nga Aston Villa dhe kanë barazuar me Evertonin.

Sipas “DailyMail”, trajneri i Manchester United, për momentin e ka vendin të sigurt, pasi ka mbështetjen e anëtarëve të bordit drejtues.

Dhe është ky besim për projektin e tij që nuk “lejon” të ketë ndryshim në stol, kur janë luajtur vetëm ndeshjet e para të sezonit.

United shpenzoi shumë para për të marrë lojtarë të tillë si Cristiano Ronaldo, Jadon Sancho dhe Raphael Varane gjatë verës, për të zbritur nga froni Manchester City-n, por tashmë “Djajtë e Kuq” kanë mbetur pas në renditje me pesë pikë më pak se vendi i parë.

Gjatë javëve të ardhshme, Manchester United do të testojë veten përballë Liverpoolit, Manchester City-t, Chelsea-t, Tottenhamit dhe Arsenalit. Pikërisht rezultatet e këtyre ndeshjeve do të vendosin shumë për të ardhmen e Solskjaer.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat