Manchester United zyrtarizoi trajnerin e ri, Redknapp: Nuk kam parë diçka më idiote

Futboll

Manchester United zyrtarizoi trajnerin e ri, Redknapp: Nuk kam parë diçka më idiote

Më: 29 nëntor 2021 Në ora: 18:52
Ralf Rangnick dhe Harry Redknapp

Manchester United zyrtarizoi ditën e sotme trajnerin e ri të skuadrës. Ai do të jetë Ralf Rangnick, teksa gjermani ka firmosur një kontratë gjashtëmujore dhe me opsionin për të nënshkruar edhe për  dy vite të tjera, por në rolin e këshilltarit.

Ndërkaq, vendimin e drejtuesve të Djajve të Kuq për të vendosur një trajner të përkohshëm e ka komentuar shumë negativisht ish-trajneri i Tottenham Hotspur Harry Redknapp. 

Ky i fundit thekson se nuk ka parë diçka më idiote duke qenë se nuk mund të zëvendësojnë një trajner të përkohshëm si Carrick, me një tjetër trajner të përkohshëm si Rangnick.

“Fakti që Manchester United është duke zëvendësuar një trajner të përkohshëm me një tjetër trajner të përkohshëm është gjëja më idiote që kam parë në jetën time. Është qesharake, nga të gjitha këndvështrimet që mund ta shohësh këtë situatë”, u shpreh Redknapp.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat