Presin që Franck Kessie të fitojë përballjen...

Futboll

Presin që Franck Kessie të fitojë përballjen...

Më: 18 janar 2022 Në ora: 11:28
Presin që Franck Kessie të fitojë përballjen...

Algjeria është kampionia në fuqi e Afrikës, por edicionin aktual e ka nisur shumë keq, pasi ka marrë vetëm një pikë në dy ndeshjet e para dhe rrezikon të eliminohet që në fazën e grupeve.

Ndeshja e fundit do të jetë ajo përballë Bregut të Fildishtë, ku Algjeria është e dënuar të fitojë për t’u kualifikuar më tej, pasi në të kundërt yje si Mahrez, Bennacer, etj., do të duhet të kthehen para kohe në klubet e tyre.

Me mjaft interes do ta ndjekin këtë ndeshje edhe drejtuesit e Milanit, të cilët presin që Franck Kessie të fitojë përballjen ndaj Bennacer dhe të kthejë algjerianin menjëherë nën urdhrat e Stefano Piolit, i cili është vërtetë në telashe për shkak të mungesave të shumta.

Vlen të theksohet se Algjeria numëronte plot 35 ndeshje pa humbje, por u thye pikërisht dy ditë më parë nga Guinea Ekuatoriale, me rezultatin minimal 1-0, duke mos arritur dot rekordin e Italisë së Mancinit me 37 takime pa humbje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat