Lionel Messi ishte një nga protagonistët e ndeshjes mes PSG dhe Clermont, pasi argjentinasi edhe pse nuk gjeti vetë personalisht rrugën e rrjetës, “pleshti” arriti të asistonte në 3 raste Neymarin dhe Mappenë, në fitoren 6-1 që skuadra pariziene arriti.
Ish-sulmuesi i Barcelonës asistoi dy herë për Kylian Mbappen dhe një herë për Neymarin.
Për shtatë herë fituesin e “Topit të Artë” ishte hera e dytë brenda këtij sezonit që kompleton het-trik me asistime në një ndeshje.
Kësisoj, 34-vjeçari është bërë lojtari i parë në histori të Ligue 1 që ka regjistruar së paku tri asistime në dy ndeshje të ndryshme brenda një sezoni.
