Pas humbjes nga Polonia, Abazi: Jo gjithmonë fiton skuadra më e mirë

Futboll

Pas humbjes nga Polonia, Abazi: Jo gjithmonë fiton skuadra më e mirë

Më: 26 prill 2022 Në ora: 18:42
Pas humbjes nga Polonia, Abazi: Jo gjithmonë fiton skuadra më e mirë

Kombëtarja e Kosovës U17 e ka mbyllur me tri humbje fazën “Elite Round” për kualifikimet e Kampionatit Evropian, që mbahet muajin e ardhshëm në Izrael, por ka pasur paraqitje të mirë.

Pas humbjeve nga Ukraina dhe Italia, djelmoshat e drejtuar nga Arsim Abazi kanë pësuar humbje me rezultat të ngushtë edhe nga Polonia, me shifrat 2:1. Dardanët U17 e nisën vrullshëm ndeshjen kundër Polonisë dhe pas sulmeve të pareshtura drejt portës polake, arritën të kalojnë në epërsi në minutën e 30-të me golin e realizuar nga Elton Krasniqi. Polakët tentuan shumë herë gjatë kësaj pjese për të barazuar shifrat por pa sukses.

Në pjesën e dytë ishte një paraqitje krejt ndryshe e polakëve, të konsoliduar dhe më të përqendruar drejt portës së Gjokajt. Në minutën e 59-të polakët goditën shtyllën pingule të majtë të Gjokajt, derisa topin e dëbuar Smilgewvski e dërgoi në rrjetë dhe rezultati u barazua në 1:1. Në vazhdim futbollistët tanë u orvatën të shënojnë por nuk ia dolën, teksa në minutën e 86-të Gjokaj ndërhyri në mënyrë të palejueshme, ndërsa nga pika e bardhë Terlecki ishte i saktë për rezultatin 2:1, në të mirë të Polonisë.

“Mendoj se luajtëm mirë dhe djemtë u angazhuan mjaft. Krijuam disa raste dhe kemi mundur të fitojmë qysh në pjesën e parë sipas rasteve që patëm.

Por, polakët, nga dy raste arritën të shënojnë, madje njëherë nga pika e bardhë. Unë edhe njëherë i përgëzoj lojtarët për angazhimin dhe karakterin  por ky është futbolli jo gjithmonë fiton skuadra më e mirë”, ka theksuar pas ndeshjes përzgjedhësi Arsim Abazi.

Polonia – Kosova 2:1  (0:1)
Stadiumi: Stadiumi i qytetit “Gino Manni” Colle di Val d’Elsa
Shikues: disa dhjetëra
Gjyqtarë: Rob Hennessy (IRL), Christopher Campbell (IRL), Andrea Zingarelli (ITA) dhe Manule Volpi (ITA)
Shënues: Trelecki (86′) e  Smilgewski (59′) – Elton Krasniqi (30′)
K.V: Smilgewski,, Tkacz të POL – E. Krasniqi, Sylaj, Gjokaj(KOS)
K.K. Sylaj (pas dy të verdhëve)
Polonia: Mikulko, Rychlik, Kurzydiowski, Tomoaszevski, Magusyewski, Lewicki, Smilgewski (Terlecki), Kalmena, Sranizewski, Takcz (Drachel), dhe Slawinski.
Kosova: Gjokaj, Shahini, Sylaj, Ahmeti(Bajraktari), Lokaj(Marku), Fazlija, Bashota (Gllogu), Krasniqi, Merlaku (Luma­), Jashari (Muji) dhe Kajtazi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat