Dardanët U19 fitojnë edhe në ndeshjen e dytë në “Roma Caput Mundi” 

Futboll

Dardanët U19 fitojnë edhe në ndeshjen e dytë në “Roma Caput Mundi” 

Më: 17 maj 2022 Në ora: 22:46
Dardanët U19 fitojnë edhe në ndeshjen e dytë në “Roma Caput Mundi” 

Kombëtarja e Kosovës U19 ka shënuar fitore me penallti në ndeshjen e dytë në kuadër të turneut “Roma Caput Mundi”.

Pas fitores në duelin e djeshëm ndaj Italisë LND, me rezultat 2:1, të përzgjedhurit e Ramiz Krasniqit, sot kanë fituar ndaj skuadrës tjetër italiane Abbruzzo, pas serisë së penalltive 5:4, pasi ndeshja në kohën e rregullt u mbyll 0:0.

Në bazë të rregullave të turneut fitorja me penallti vlerësohet me dy pikë, andaj Dardanët U19 pas dy ndeshjeve kryesojnë renditjen me 5 pikë. Në ndeshjen tjetër, Italia LND shënoi fitore bindëse ndaj Greqisë, me rezultat 3:0.

Përballjen e fundit Kosova e zhvillon të enjten kundër skuadrës së fundit në renditje, Greqisë, ku në rast fitoreje apo barazimi do të arrijë ta mbrojë titullin e kampionit të këtij turneu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat