Në Bern po mbahet gara e Kupës së klubeve shqiptare, i pranishëm edhe presidenti Ademi 

Futboll

Në Bern po mbahet gara e Kupës së klubeve shqiptare, i pranishëm edhe presidenti Ademi 

Më: 26 qershor 2022 Në ora: 12:25
Në Bern po mbahet gara e Kupës së klubeve shqiptare, i pranishëm edhe presidenti Ademi 

Pas dy viteve pauzë, sot në Bern të Zvicrës në organizim të FC Prishtina nga Berni dhe Unionit të Klubeve Shqiptare të Futbollit në Zvicër e në mbështetje të FFK-së, është rikthyer gara “Union Cup”, ku do të përcaktohet fituesi i Kupës për klubet shqiptare në Zvicër.

I pranishëm në hapje të këtij eventi ishte edhe presidenti Agim Ademi, pastaj ambasadorët e Kosovës dhe Shqipërisë, Sami Ukelli dhe Ilir Gjoni, Afrim Osmanaj si anëtar i Federatës së Futbollit Shqiptar në Gjermani, si dhe mysafirë tjerë të shumtë.

Kreu i FFK-së në hapje të garave i përgëzojë të gjitha klubet pjesëmarrëse dhe uroi që kjo garë të ketë vazhdimësi dhe në të ardhmen të masovizohet edhe më shumë, duke pasur parasysh numrin e madh të bashkëatdhetarëve tanë në Zvicër dhe dëshirën e madhe të të rinjve për të luajtur futboll.

Image

Ai theksoi se FFK do të jetë mbështetëse e aktiviteteve të tilla dhe shprehu shpresën se në fund të garave si në Gjermani, ashtu edhe në Zvicër do të nxirret ekipi më i mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat