Në Arabinë Saudite kritikojnë ashpër shqiptarin e Kosovës

Futboll

Në Arabinë Saudite kritikojnë ashpër shqiptarin e Kosovës

Më: 2 korrik 2022 Në ora: 19:28
Besnik Hasi

Një tronditje e madhe erdhi për futbollin në Arabinë Saudite pas Al Ahly ra nga kategoria.

Ky klub i madh në buxhet, emër dhe histori, do të rrëzohej dhe nuk do të jetë më pjesë e skuadrave më të mira.

Ndërkohë mediat në Arabinë Saudite tregojnë sesi Al Ahly, në 7 sezonet e fundit pasi u shpall kampion në sezonin 2015-2016, ka qenë përgjithësisht mes katër më të mirave në renditje. Vetëm në sezonin e parafundit u rendit e 8 dhe në këtë aktualin, në të 15, duke rënë në Kategorinë e Parë.

“Alryiadh” ia dërgon të gjithë faturën e dështimit Besnik Hasit, që e kishte në zotërim skuadrën nga fillimi i kampionatit dhe duke u shkarkuar vetëm 7 ndeshje nga fundit.

“V.rau skuadrën me gabimet e tij, prandaj Al Ahly u shfaq shumë modeste. Me të fituan vetëm pesë ndeshje nga 23 që zhvilluan në total”, thuhet në raportim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat