Trajneri kroat e kërkon në skuadër

Futboll

Trajneri kroat e kërkon në skuadër

Më: 5 korrik 2022 Në ora: 12:23
Marash Kumbulla

Mbrojtësi i Kombëtares shqiptare, Marash Kumbulla, duket se nuk do të ketë hapësira të shumta te Roma sezonin e ardhshëm dhe është gati për një aventurë të re. Klubi që është interesuar menjëherë për shërbimet e 22-vjeçarit është Torino.

Trajneri kroat, Ivan Juriç, e shikon si objektivin kryesor këtë merkato, me shqiptarin që pritet të zërë vendin e Bremer, i cili mund të largohet këtë verë.

Siç bënë me dije e përditshmja italiane, “Corriere dello Sport”, Torino është gati që t’i ofrojë Romës një marrëveshje për ta marrë në huazim lojtarin për një sezon dhe vitin e ardhshëm ta blejë për 15 milionë euro.

Nga ana tjetër, “Tuttosport”, thekson se klubi verdhekuq nuk do ta lërë të lirë Kumbullën për më pak se 25 milionë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat