Berisha shënon, Lenjani asiston/ Barazojnë Fenerbahçe dhe Umraniyespori

Futboll

Berisha shënon, Lenjani asiston/ Barazojnë Fenerbahçe dhe Umraniyespori

Më: 9 gusht 2022 Në ora: 01:00
Foto ilustrim

Fenerbahçe dhe Umraniyespor kanë luajtur baras në ndeshjen e javës së parë të sezonit 2022/23 në Superligën e Turqisë.

Ndeshja e zhvilluar sonte në “Ulker Stadyumu” përfundoi me rezultatin 3:3.

Dy futbollistët shqiptarë, Ermir Lenjani dhe Mërgim Berisha, lanë gjurmë në këtë përballje.

Lenjani ishte asistues te goli i parë i Umraniyesporit i shënuar nga Tomislav Glumac (29’).

Kurse, Berisha e shënoi në minutat shtesë (90+2’) golin e tretë për Fenerbahçen, që ishte edhe goli i barazimit dhe rezultatin përfundimtar.

Enner Valencia (19’, 45+2’) shënoi dy golat tjerë për vendasit, kurse Valentin Gheorghe (67’) dhe Antonio Mrsic (73’) për mysafirët.

Fenerbahçe në javën e ardhshme luan në udhëtim te Kasimpasa, kurse Umraniyespor e pret Antalyasporin

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat