Ljuljanoviq trim i ndeshjes, Ballkani futet në histori!

Futboll

Ljuljanoviq trim i ndeshjes, Ballkani futet në histori!

Nga: Kemajl Goca Më: 11 gusht 2022 Në ora: 22:54
Ljuljanoviq trim i ndeshjes, Ballkani futet në histori!

Ballkani i Therandës, futet në histori, skuadra e parë nga Kosova, që  arrin në play-off të Conference League në futboll.

Kampioni i Kosovës triumfon me penallti me rezultat 4:3 dhe e ka eliminuar Klaksvik-un vendas. 

Ndeshja e në kohën e rregullt përfundoi me rezultat 2:1 për skuadrën nga Ishujt Faroe, pasi që ndeshjen e parë e humbën me 3:2 në stadiumin “Fadil Vokrri” në Prishtinë, sfidë që shkoi në vazhdime dy herë 15 minuta ku nuk pati ndryshim rezultati dhe penalltitë e përcaktuan fituesin.

Ballkani i kryetrajnerit Ilir Daja kurrë më afër fazës së grupeve, edhe dy ndeshje e ndajnë nga kjo rrugë.

Në minutën e 46-të, Mikkelsen shënon nga rreth 13-14 metra pas një harkimit përtokë nga ana e Frederiksberg nga rivënia e këndit. 

Futbollisti Ermal Krasniqi në minutën e 83-të ka shënuar nga rreth 17-18 metra në këndin e djathtë të poshtëm, 1:1. 

Kur të gjithë menduan se Ballkani siguroi biletën për më tej, pësuan një gol në mënyrë naive! 

Da Silva në minutën e 89-të shfrytëzoi një huti të therandasve, shënoi për 2:1 dhe dërgon takimin në vazhdime dy herë nga 15 minuta.

Duhet theksuar se në pjesën e dytë, vendasit qëlluan edhe traversën e Ballkanit.  

Penalltitë, për Klaksvik shënuan Bjartalid, Poulsen, Andreasen; dështuan Holvad, Danielsen dhe për Ballkanin realizuan Thaçi, Dellova, Gripshi e Emërllahu; dështoi Zyba.

Holvad e Danielsen dështuan nga penalltitë, gjuajtjet e të cilëve i priti trimi i ndeshjes, portieri Damir Ljuljanoviq.

Ballkani tani do të ndeshet me Shkupin, ku luftohet për një vend në fazën e grupeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat