Xavi flet rreth mundësisë së rikthimit të Messit te Barcelona

Futboll

Xavi flet rreth mundësisë së rikthimit të Messit te Barcelona

Më: 3 tetor 2022 Në ora: 23:02
Xavi dhe Messi

Xavi Hernandez ka folur për rikthimin e mundshëm të Lionel Messit.

E ardhmja e sulmuesit argjentinasit vazhdon të jetë mjaft e përfolur.

Messi është i lidhur më një rikthim të mundshëm në “Camp Nou”, pas përfundimit të sezonit aktual.

Rreth kësaj është deklaruar edhe Xavi, i cili tha se tani nuk është koha e duhur për të diskutuar rreth kësaj çështje.

“I uroj të mirat, ai është miku im. Por, tani nuk është koha më e mirë për të diskutuar. Dhe ne po i bëjmë një shërbim të keq me këtë bisedë”, tha fillimisht spanjolli.

“Lëreni të shijojë kohën e tij në Paris dhe pastaj do të shohim”, shtoi Xavi.

Ndryshe, Messi me Paris Saint-Germainin ka kontratë të vlefshme deri më 30 qershor 2023.

Në marrëveshjen e tij me klubin parisien ekziston edhe opsioni për zgjatje të kontratës edhe për një tjetër vit.

Derisa spekulohet rreth një rikthimi të 35-vjeçarit te Barcelona, gjithashtu thuhet se edhe Paris Saint-Germaini është i gatshëm për t’i ofruar kontratë të re shtatë herë fituesit të “Topit të Artë”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat