Pioli flet pas humbjes nga Lazio: Duhet të rikthehemi të luajmë ashtu siç dimë

Futboll

Pioli flet pas humbjes nga Lazio: Duhet të rikthehemi të luajmë ashtu siç dimë

Më: 24 janar 2023 Në ora: 23:56
Stefano Pioli

Trajneri i Milanit, Stefano Pioli, ka folur pas humbjes tmerruese nga Lazio, në kuadër të Serie A.

Pioli ka thënë se në dy javët e fundit s’ka qenë asnjë paraqitje e mirë e Milanit, teksa ka shtuar se shumë gjëra nuk janë duke funksionuar brenda ekipit.

“Duhet të kthehemi shpejt në Milanello dhe të punojmë mirë. Ne nuk po bëjmë paraqitje sipas mundësive tona. Shumë gjëra nuk po funksionojnë, aspekti mendor dhe aspekti taktik. Unë jam këtu për të folur sepse duhet, përndryshe duhet të mbyllim gojën dhe të kthehemi në punë më mirë. Padyshim një moment delikat. Në dy javë e gjysmë as paraqitje të mira dhe as rezultate pozitive”, tha Pioli për DAZN.

Trajneri italian potencoi se duhet të punojnë për t’u rikthyer aty ku ishin.

“Tani gjërat nuk po shkojnë mirë për ne. Sot, pavarësisht se nuk patëm mundësi të mëdha, krijuam disa raste. Problemi sot nuk ishte aq shumë në trajtimin e topit. Duhet të bëjmë punë më precize dhe të kemi komunikim më të qartë. Mënyra e vetme për të rregulluar situatën është të punojmë për të përmirësuar atje ku jemi duke luftuar”.

“Kemi bërë disa lexime të gabuara dhe kjo ka ndodhur për disa ndeshje. Ne kemi nevojë për më shumë kompaktësi dhe vëmendje. Vazhdimi i këtyre gabimeve krijon edhe më shumë vështirësi. Rezultatet negative sjellin negativitet”.

“Duhet të kthehemi të luajmë siç dimë, duhet të jetë qëllimi ynë i parë. Shfaqjet e fundit nuk kanë qenë ato që ne dimë të bëjmë. Do të përpiqem të flas më pak dhe të punoj më shumë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat