Pochettino thotë se Nkunku ende nuk është i gatshëm

Futboll

Pochettino thotë se Nkunku ende nuk është i gatshëm

Më: 24 nëntor 2023 Në ora: 17:54
Nkunku

Christopher Nkunku është afër rikuperimit nga lëndimi i gjurit, i cili e ka lënë jashtë fushës sulmuesin francez që para fillimit të sezonit, por nuk do të jetë në skuadrën e Chelseas për t`u përballur me Newcastle United, ka thënë trajneri i Chelseas, Mauricio Pochettino.

Në tabelën e Premier League të kryesuar nga Manchester City, Chelsea është në vendin e dhjetë.

Skuadra e drejtuar nga argjentinasi pati vështirësi në fillim të sezonit, me vetëm një fitore në gjashtë ndeshjet e para, por hyn në ndeshjen e së shtunës me Newcastle pas një fitore ndaj  Tottenham Hotspur dhe një barazim me Manchester City.

“Javën e kaluar Christopher mori pjesë në disa seanca stërvitore, por ende nuk është rikuperuar plotësisht për të qenë pjesë e seancave taktike. Hap pas hapi do të gjejmë mënyrën më të mirë që ai të përshtatet në ekip”, ka thënë Pochettino.

comment Për komente lëvizni më poshtë
Sot mund të lexoni Shfletoni kopertinat