Mlanit do t’i shkojë në adresë një ofertë prej 200 milionë eurosh

Futboll

Mlanit do t’i shkojë në adresë një ofertë prej 200 milionë eurosh

Më: 12 prill 2025 Në ora: 11:22
Theo e Leao

Al Etiffaq po synon të trazojë merkaton e verës, me një propozim historik: 200 milionë euro për dy yjet e Milanit, Theo Hernandez dhe Rafael Leao.

Klubi saudit është i determinuar të ngjitet në renditje dhe të konkurrojë kokë-më-kokë me gjigantët e Saudi Pro League, ka përpiluar një plan ambicioz që mund të ndryshojë gjendjen e futbollit europian e aziatik në muajt e ardhshëm.

Menaxhmenti sportiv i klubit saudit sheh te të dy lojtarët kualitetin që i nevojitet klubit për të transformuar projektin e tij.

Me një prezencë modeste në ligë – aktualisht në mesin e tabelës – klubi synon të nisë një revolucion sportiv, për ta vendosur vetën në mesin e klubeve elitare arabe, dhe për ta bërë këtë janë të gatshëm ta ‘thyejnë bankën’.

Nga Milani, përgjigja nuk ka qenë e tëra negative.

Kryesuesit e klubit kuqezi nga Milani po e konsiderojnë seriozisht mundësinë e shitjes së dyshes, nëse arrihet një marrëveshje për shumë e transferimit.

Shitja e dy yjeve më të mëdhenj të skuadrës do të lironte hapësirë në listën e pagave të klubit dhe do t’i ipte mundësinë klubit të përforcohet në disa pozicione të ndryshme, megjithëse humbja e Leaos e Theos do të ishte një humbje e madhe në aspektin sportiv.

Pikëpyetja më e madhe është dëshira e lojtarëve për t’u larguar.

Edhe pse klubi italian po i fërkon duart për të pranuar ofertën, shkaku i parave, dyshja në fjalë ende nuk kanë dhënë sinjale të qarta nëse do të pranojnë një kalim në Arabinë Saudite.

comment Për komente lëvizni më poshtë
Sot mund të lexoni Shfletoni kopertinat