Anglia e rekordeve, 8 fitore rresht, goldallimin 22:0 në grup
Anglia ka triumfuar me rezultat 2:0 ndaj Shqipërisë, në ndeshjen që u luajt para 22 mijë shikuesve në stadiumin “AIr Albania” në Tiranë.
Anglia e rekordeve, tetë ndeshje tetë fitore, ka shënuar 22 gola dhe nuk ka pësuar asnjë! Ky është rekordi i anglezëve.
Plot 720 minuta e mbajtën portën e paprekur në kuadër të Grupit K të kualifikimeve për Kampionatin Botëror.
Shqipëria ishte e pafat, dy futbollistë iu lënduan Elseid Hysaj në minutën e 26-të dhe Armando Broja në të 88-tën, të cilët u larguan nga loja.
Broja u largua me barelë, për shkak të një lëndimi të rëndë, ky lëndim erdhi si pasojë që vet e zuri këmbë në fushë.
Shqipëria - Anglia 0:2
Stadiumi "Air Albania" në Tiranë.
Shikues: 22.000.
Gjyqtar: M. Guida (Italia).
Shënues: Kane (74' e 82')
Kartona të verdhë: Ramadani - Ëharton.
Shqipëria: Strakosha, Hysaj (Balliu 26'), Gjimshiti, Ismajli, Aliji, Asllani, Bajrami (Broja 77'), Laçi, (Pajaziti 84') Ramadani, Hoxha, Uzuni. Trajner: Sylvinho
Angli: Henderson, Burn, Quansah, Stones, O'Reilly, Wharton (Anderson 75'), Bellingham (Rogers 84'), Rice (Foden 62'), Eze (Saka 62'), Kane e Bowen (Rashford 75').
Anglia përfundoi në vend të parë me 24 pikë, duke lënë pas Shqipërinë me 14 sosh.
Anglia është në Kampionatin Botëror që mbahet vitin e ardhshëm., ndërsa Shqipëria përmes play-off-it do ta kërkojë këtë biletë.
Sulmuesi Harry Kane është shënues i dyfishtë dhe i fatal për Shqipërinë.
Shqipëria përkundër se humbi, shfaqi lojë për lakmi., ishte e rrezikshme sidomos në pjesën e dytë, ku disa herë fati i shpëtoi anglezët por edhe shqiptarët.
Në minutën e 37-të Jarrod Bowen nga pozita e pavolitshme, me goditje të fortë e përtoke gati shënoj, por portieri Thomas Strakosha shpëtoi golin e sigurtë.
Pjesa e dytë më ndryshe, kuqezinjtë treguan zemër të madhe, disa herë rrezikuan portën e Anglisë.
Në minutën e 50-të, Arbër Hoxha, dinak e specialist për të goditur nga distanca, nga rreth 20 metra gjuajtur bukur, fati nuk ishte në anën e tij, ndërsa portieri Henderosn mezi e dëboi topin në korne. Topi shkoi në këndin e majtë e portieri anglez reagoi me paradë.
Pas një minute. Hoxha sërish në skenë, nga 15 metra lëshoi rastin e qind për qind, i papenguar nga askush, fat i madh për Anglinë.
Në minutën e 57-të, Eze në pozitë ideale, nga afërsia e paksa anash, por Strakosha edhe një herë tregoj cilësi të larta.
Në minutën e 60-të, Jude Bellingham nga rreth 8-9 metra, fatmirësisht nga pozita e pastër gjuajti mbi portën e kombëtares shqiptare.
Saka çuditi të gjithë në minutën e 70-të, nga 3-4 metra nuk e qëlloi topin si duhet, fat i madh për Shqipërinë.
Harry Kane si gjithmonë fatal për rivalët.
Në minutën e 74-të Kane shënoi nga afërsia dy-tri metra, duke tronditur kuqezinjtë.
Në minutën e 82-të, Harry Kane shënon golin e dytë të tij personal, 0:2.
Kane nga afërsia tundi portën e Strakoshës.
Anglia i mbylli ashtu si i ka hije ciklin e kualifikimeve me të gjitha fitore, ndërsa Shqipëria largohet ballëlart nga stadium i “Air Albania” në Tiranë.