Shkëndija nga Tetova ka arritur tre pikë për statistikë në duel me AP Brerën nga Strumica.
Skuadra kuqezi ngadhënjeu me rezultat 2:1 ndaj AP Brera, në takimin e javës së parafundit (32-të) të Ligës së Parë të Maqedonisë në futboll.
Tre pikë që nuk kanë vlerë përveç për statistikë, sepse fitorja e Vardarit me rezultat 1:0 në Strugë ndaj Struga Trim Lum edhe përfundimisht përcakton kampionin.
Vardari përfundoi në vend të parë me 80 pikë, gjashtë më shumë se Shkëndija në pozitën e dytë.
Brera është në vend të tetë me 37 pikë të mbledhura.
