Milani del në mbrojtje të Maignan pas fyerjeve raciste

Futboll

Milani del në mbrojtje të Maignan pas fyerjeve raciste

Më: 23 tetor 2026 Në ora: 22:48
Mike Maignan

Milani ka dënuar ashpër fyerjet raciste ndaj portierit Mike Maignan, i cili u bë objekt i sulmeve në rrjetet sociale pas humbjes 3-0 ndaj Bournemouthit në Angli.

Francezi u ndëshkua me karton të kuq pas një kontakti me kundërshtarin, të cilit i vendosi duart në fytyrë.

Pas këtij episodi, portieri u përball me komente raciste në rrjetet sociale, duke nxitur reagimin e klubit italian.

Përmes një deklarate zyrtare, Milani theksoi se racizmi dhe diskriminimi nuk kanë vend në futboll, pavarësisht rezultateve apo ngjarjeve në fushën e lojës.

“AC Milan dënon me forcë të gjitha format e racizmit dhe diskriminimit, sjellje të papranueshme që nuk kanë vend as në fushë dhe as jashtë saj”, thuhet në reagimin e klubit, i cili shprehu mbështetjen e plotë për portierin francez.

Në fund, kuqezinjtë u bënë thirrje tifozëve dhe komunitetit të futbollit që të ruajnë respektin dhe dinjitetin, duke theksuar se dëshira për të fituar nuk duhet të justifikojë kurrë sulmet raciste apo personale.

Sot mund të lexoni Shfletoni kopertinat