Vodhën 23 mijë euro në Malishevë, hajnat lënë gjurmë të gjakut dhe të gishtërinjve

Kosova

Vodhën 23 mijë euro në Malishevë, hajnat lënë gjurmë të gjakut dhe të gishtërinjve

Më: 2 qershor 2021 Në ora: 19:55
Malishevë

Të martën mbrëma, Zenel Morinës, në shtëpinë e tij në Lubizhdë të Malishevës, hajnat ia vodhën 18 mijë euro para të gatshme, si dhe 5 mijë euro stoli ari.

Pronari i shtëpisë tha se kur vjedhja u bë, ai ishte me familje në pushime.

“Kah ora 9 e 8 minuta përafërsisht, kanë hy prej mbrapa shtëpisë, se mali është afër 200 metra. Dhe kanë vazhduar brenda. Në bodrum, në kat të parë të dytë ku kanë vjedh e thyer.”, tha Morina.

Derisa hajnat kishin bërë përpjekje të mos xhirohen tërësisht nga kamerat, prapë ata lanë disa gjurmë.

“Po më interesantja është se kanë lënë gjurmë të gjakut brenda dhe shenja të gishtave. Edhe pse në kamera shihet se kanë pasur doreza. Po ndoshta gjatë vjedhjes i kanë heq dorezat”, tha Morina.

Me këtë rast tanimë po merret Policia.

“Më datë 02.06.2021, pas mesnate, persona të panjohur, përmes derës së bodrumit, në një dhomë kanë vjedhur 18 mijë euro dhe ari në vlerë rreth 4 mijë euro. Hetimet po vazhdojnë.”, njoftoi zëdhënësi i Policisë në Gjakovë, Nusret Gjurkaj.

Sidoqoftë, jo shumë larg nga kjo shtëpi, në një shtëpi tjetër, po në këtë fshat, pak javë më parë, hajnat vodhën rreth 10 mijë euro.

commentFirst article
Sot mund të lexoni Shfletoni kopertinat