555 mijë njerëz udhëtuan me aeroplan në Kosovë gjatë tre muajve të fundit të vitit 2021

Kosova

555 mijë njerëz udhëtuan me aeroplan në Kosovë gjatë tre muajve të fundit të vitit 2021

Më: 28 janar 2022 Në ora: 20:30
Foto ilustrim

Agjencia e Statistikave të Kosovës ka publikuar “Statistikat e Transportit dhe Telekomunikimit për tremujorin e katërt të vitit 2021, me të dhëna mbi Transportin Ajror, Hekurudhor, Rrugor dhe Telekomunikimin.

Sa i përket numrit të fluturimeve gjatë tre muajve të fundit të vitit 2021 ka rritje në krahasim me të njëjtën periudhë kohore të vitit 2020 për 46%.

Numri i udhëtarëve që kanë shfrytëzuar aeroplanin si mjet transporti është rreth 555 mijë, që në raport me vitin 2020 ka rritje për 47%.

Ndërkaq, gjatë muajve tetor, nëntor dhe dhjetor të vitit 2021, numri i pasagjerëve që kanë shfrytëzuar trenin si mjet udhëtimi ishte rreth 16 mijë, krahasuar me tremujorin e katërt të vitit 2020, numri i pasagjerëve është rritur për 7%.

Transporti i mallrave me tren është rreth 30 mijë tonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat