Kryeministri Kurti priti në takim Ministren e Turizmit dhe Mjedisit, Mirela Kumbaro

Kosova

Kryeministri Kurti priti në takim Ministren e Turizmit dhe Mjedisit, Mirela Kumbaro

Më: 27 maj 2022 Në ora: 18:38
Pamje nga takimi

Krijimi i hapësirave të reja për bashkëpunim në turizëm ishin në qendër të takimit të sotëm ndërmjet Kryeministrit të Republikës së Kosovës, Albin Kurti, me Ministren e Turizmit dhe Mjedisit të Republikës së Shqipërisë, Mirela Kumbaro.

Në takim u rikonfirmua gatishmëria për të rritur angazhimin institucional për aktivitete të reja të përbashkëta ndërmjet Republikës së Kosovës dhe Republikës së Shqipërisë, në shërbim të  produkteve të reja turistike, ku do të përfshiheshin asetet më të rëndësishme turistike të të dy vendeve.

Organizimi i planifikuar i konferencës “Turizmi i përbashkët Kosovë – Shqipëri” u vlerësua si mundësi për konkretizimin e nismave të përbashkëta.

U theksuan potencialet për investime, duke marrë parasysh pozitën e favorshme gjeografike në rajonin e Ballkanit.

commentFirst article
Sot mund të lexoni Shfletoni kopertinat