UBT nënshkruan memorandum mirëkuptimi me Universitetin e Shkencave të Aplikuara të Grisons

Kosova

UBT nënshkruan memorandum mirëkuptimi me Universitetin e Shkencave të Aplikuara të Grisons

Më: 28 qershor 2022 Në ora: 19:54
UBT nënshkruan memorandum mirëkuptimi me Universitetin e Shkencave të Aplikuara të Grisons

Rektori i UBT-së, Edmond Hajrizi, ka nënshkruar një memorandum mirëkuptimi me rektorin e Universitetit të Shkencave të Aplikuara të Grisons, Jurg Kessler.

Përmes këtij memorandumi, UBT dhe Universiteti i Shkencave të Aplikuara të Grisons, pajtohen që të bashkëpunojnë në fushat dhe aktivitetet e përbashkëta kërkimore dhe zhvillimore me interes të ndërsjellë.

Të dy institucionet përmes memorandumit në fjalë do të kenë mundësi që të përcaktojnë fushat dhe subjektin, për një bashkëpunim të mëtutjeshëm në përputhje me nevojat dhe objektivat e tyre përkatëse, me marrëveshje të përbashkët.

Ky memorandum mirëkuptimi parasheh shkëmbimin e studentëve dhe stafit, aktivitete të përbashkëta kërkimore, seminare, workshope, si dhe krijimin e programeve të përbashkëta të studimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat