MBPZHR ndan 2.42 milionë euro investime në projektet e ujitjes

Kosova

MBPZHR ndan 2.42 milionë euro investime në projektet e ujitjes

Më: 28 qershor 2022 Në ora: 19:59
Foto nga takimi

Ministri i Bujqësisë Faton Peci nënshkroi sot marrëveshje bashkëpunimi me shtatë komuna të Kosovës për investime në sistemet e ujitjes.

Vlera e përgjithshme e marrëveshjes është 2.42 milionë euro, ndërsa përfituese janë komunat Mitrovicë, Istog, Shtime, Klinë, Kamenicë, Junikut dhe Deçan.

Gjithashtu, me kryetarët e këtyre komunave u nënshkrua edhe memorandum bashkëpunimi me qëllim të sigurimit të mbarëvajtjes së implementimit të projekteve konkrete.

Pas shkresës së drejtuar të gjitha komunave dhe drejtorive për bujqësi të vendit në fund të muajit prill dhe në fillim të majit, në adresë të Ministrisë së Bujqësisë kanë arritur 15 projekte të sistemeve të ujitjes nga 15 komuna, nga të cilat kriteret për zgjedhje i kanë plotësuar tetë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat