Kryetari i Aleancës njëherit edhe kandidat për kryeministër nga kjo parti, Ardian Gjini është takuar me Presidentin e Këshillit Evropian, Antonio Costa.
Ai ka thënë se gjatë këtij takimi, ka riafirmuar pozionin e palëkundur të Aleancës për rrugëtimin euroatlantik të Kosovës.
“Për ne, Bashkimi Evropian dhe NATO mbeten adresa e vetme dhe e paalternativë strategjike. Kosova ka ende shumë detyra dhe reforma për të përmbushur në procesin e integrimit, prandaj na duhen institucione të forta dhe stabile. Vendi ynë ka humbur mjaft kohë pa institucione funksionale.
Tani, presim rezultatin e zgjedhjeve të këtij vikendi për të parë se si do të ecim përpara me një plan të qartë pune për të ardhmen”, ka shtuar Gjini.
