MSH: 30 denarë në çdo pacient për mjekun e familjeskur të arrij vaksinim prej 70% të pacientëve

Maqedonia

MSH: 30 denarë në çdo pacient për mjekun e familjeskur të arrij vaksinim prej 70% të pacientëve

Më: 27 nëntor 2021 Në ora: 19:16
MSH: 30 denarë në çdo pacient për mjekun e familjeskur të arrij vaksinim prej 70% të pacientëve

Propozimi i ri i Ministrisë së Shëndetësisë për ngritjen e vetëdijes për vaksinimin kundër Covid-19 është që mjeku i familjes të shpërblehet me 30 denarë për pacient nga numri i përgjithshëm i pacientëve të regjistruar tek ai, pasi të tejkalojë 70% të vaksinimeve nga numri i përgjithshëm i pacientëve.

Qeveria në seancën e 25 nëntorit nuk ka marrë vendim për propozimin e Komisionit për sëmundje infektive për vaksinimin e obligueshëm të punëtorëve shëndetësorë dhe rekomandim për imunizimin e sektorit publik dhe privat dhe ka kërkuar nga Komisioni analiza shtesë dhe studime krahasuese për masat e propozuara dhe propozime për masa shtesë për nxitjen e vaksinimit masiv.

Sa i përket masave të mëparshme që kemi diskutuar me Qeverinë, jam i vetëdijshëm se këto janë një nga masat më të vështira sepse prekin një fushë në të cilën nuk kemi pasur masa deri më tani, e ajo është marrëdhënia e punës dhe vendi i punës. Prandaj, konkluduam se duhet të hetojmë më tej nëse do të ketë disa masa të ngjashme që nuk do të jenë aq serioze, të rrezikojnë vendin e punës dhe nga ana tjetër do të jenë stimulime për vaksinim. Të martën do t’i propozojmë Qeverisë një masë të re, stimulim të veçantë për mjekët e familjes që të stimulohen financiarisht.” tha sot Filipçe.

Deri më 26 nëntor gjithsej 828,770 qytetarë kanë marrë dozën e parë, me dy doza janë vaksinuar 794,666 qytetarë dhe dozën e tretë e kanë marrë 70,937 qytetarë.

57% e qytetarëve mbi 40 vjeç janë vaksinuar me dy doza dhe 33% e popullsisë së moshës nga 18 deri në 39 vjeç kanë marrë të paktën një dozë të vaksinës.

Me një dozë vaksine është vaksinuar 58% e popullsisë së rritur dhe me dy doza janë vaksinuar 47% e qytetarëve mbi 18 vjeç. Sipas numrit të vaksinave të aplikuara, 39% e të gjithë popullsisë në vendin tonë është e vaksinuar dhe 38% e popullsisë në vend ka marrë dy doza vaksine.

Sipas të dhënave nga 24 orët e fundit, në vend u regjistruan 436 raste të reja me Covid-19 nga 3,447 testime të kryera ndërsa15 persona u regjistruan të vdekur. Deri më tani në vend janë kryer gjithsej 1.465.204 testime për Covid-19. Numri i përgjithshëm i personave të diagnostikuar me Covid-19 në vendin tonë që nga fillimi i pandemisë është 214.676, numri i të shëruarve është 198.755, numri i të vdekurve është 7.528 dhe numri i rasteve aktive është 8.393.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat