Shuhet tërësisht zjarri tek “Komuna” në Shkup, nuk ka të lënduar

Maqedonia

Shuhet tërësisht zjarri tek “Komuna” në Shkup, nuk ka të lënduar

Më: 21 maj 2022 Në ora: 13:23
Foto ilustrim

Në hapësirën e depos tek fabrika e vjetër e Shkupit “Komuna” shpërtheu zjarr, ndërsa denoncimi në Brigadën e Shkupit për mbrojtje kundër zjarreve është marrë në ora 4:55. Komandanti i Brigadës së Shkupit për mbrojtje kundër zjarreve, Zvonko Tomeski për AIM-n deklaroi se për një kohë të shkurtër zjarri është vënë nën kontroll, është shuar tërësisht dhe nuk u lejua të zgjerohet në objektet tjera në qarkun e fabrikës.

Nuk ka të lënduar, por është shkaktuar dëm material.

Tomeski informoi se pas denoncimit menjëherë janë dërguar nëntë automjete të zjarrfikësve me 20 zjarrfikës, ndërsa u bë fjalë për një hapësirë të depos në të cilën është deponuar plastikë për riciklim të mëtutjeshëm.

“Karakteristikë është që në qarkun e fabrikës dhe në objektet nuk ka pasur rrjet funksional hidratues”, potencoi për AIM-n komandanti i Brigadës së Shkupit për mbrojtje kundër zjarreve, Tomeski.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat