Kanë qenë të shumta sfidat e zhvilluara mes Neymar dhe Juan Francisco Torres, për të gjithë i njohur si Juanfran.
Ish-mbrojtësi i Atletico Madrid, sot te Sao Paulo, ka kujtuar përplasjet me brazilianin në një intervistë të dhënë për kanalin Desimpedidos.
“Ishte shumë e vështirë të luaje kundër tij sepse ka një stil loje që provokon atë që e mbulon”, ka thënë Juanfran. “Gjithçka mbetet në fushë dhe me të nuk kam asnjë problem, por mbaj mend se më bezdiste shpesh me të qeshurat e tij provokuese”.
“Sot është pjekur dhe nuk i bën më ato sjellje. Duhet të thëm se kam bërë shpesh fjalë me të në fushë, por i uroj më të mirën. Atij dhe kombëtares së Brazilit”.