Portieri i Holandës, Krul, sonte katër herë e nxori topin nga porta në stadiumin "Ataturk Olimpiyat" në Stamboll.
Gjashtë gola në Stamboll, Turqia fiton kundër Holandës.
Turqia tregoi lojë me të vëmendshëm dhe si rrjedhojë e kësaj e mposhti me rezultat 4:2 Holandën, në takimin hapës të Grupit G të kualifikueseve për Kampionatin Botëror.
Futbollisti Burak Yilmaz është hero i fitores së turqve, duke shënuar het-trik.
Në minutën e 15-të, Yilmaz nga rreth 20 metra godet bukur dhe shënoi në këndin e poshtëm të portierit Krul, 1:0.
Në minutën e 34-të, penallti për turqit, të cilën e konkretizoi Yilmaz.
Në pjesën e dytë përkatësisht në minutën e 46-të, Calhanoglu nga rreth 20 metra godet fuqishëm dhe topi futet në këndin e majtë, 3:0.
Në vazhdim holandezët ngushtojnë rezultatin në 3:2 me golat e Klaassen (75') dhe de Jong (76').
Yilmaz sërish në skenë dhe thellon fitoren në 4:2 në minutën e 81-të. Në minutën e 90+4, Depay i Holandës, dështon nga penalltia.
Turqia starton me fitore të thellë në kuadër të grupit, ndërsa “Tulipanët” zhgënjyen. Turqia është në grup me Letoninë, Holandën, Norvegjinë, Malin e Zi dhe Gjibraltarin.