Shkëndija mposhtet në Slloveni, eliminohet nga Champions League 

Futboll

Shkëndija mposhtet në Slloveni, eliminohet nga Champions League 

Nga: K.Goca Më: 13 korrik 2021 Në ora: 21:53
Shkëndija mposhtet në Slloveni, eliminohet nga Champions League 

Kampioni i Maqedonisë së Veriut, skuadra shqiptare Shkëndija nga Tetova, pësoi humbje të thellë në stadiumin “Fazanerija” në Murska Sobota.

Mura ka shënuar fitore me rezultat 5:0 ndaj kuqezinjve, në kuadër të ndeshjes së kthimit të rrethit të parë të Champions League. 

Edhe sfidën e parë e ka humbur me 1:0 dhe me rezultat të përgjithshëm 6:0 eliminohet nga Championsi.

Golat i shënuan: Bobicanec (25' e 45+1'), Klepac (55' e 87’) e Kous (64'). 

Futbollisti Krivak në minutën e 42-të u përjashtua nga loja për shkak të kartonit të dytë të verdhë, duke e lënë me një lojtar më pak Shkëndijen, për çka reagoi ashpër dhe trajneri Ernest Gjoka. 

Duhet theksuar se në minutën e 15-të, Shkëndija pati rast, kur topi ka shkuar ngjitur me shtyllën e portierit Obradoviq
Shkëndija eliminohet dhe tani do të garojë në rrethin e dytë të Conference League.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat