Ky është reagimi nga Federata e Futbollit e Gjeorgjisë pas humbjes nga Kosova

Futboll

Ky është reagimi nga Federata e Futbollit e Gjeorgjisë pas humbjes nga Kosova

Më: 2 shtator 2021 Në ora: 20:19
Ilustrim

Përfaqësuesja e Kosovës ka regjistruar rezultat historik sonte në Batumi.

Djelmoshat e Bernard Challandes kanë regjistruar fitoren e parë në eliminatoret e Kampionatit Botëror “Katar 2022”.

Në “Batumi Arena”, Kosova shënoi fitore të artë ndaj Gjeorgjisë me rezultat minimal, 0:1.

Pas fitores së sotme të Kosovës, ka ardhur reagimi i Federatës së Futbollit të Gjeorgjisë, e cila në “Twitter” shkruan:

“Ne mposhtemi në Batumin e lagësht falë golit me kokë të Vedat Muriqit (’18). Të dyja skuadrat kishin rastet, por Kosova arkëton tri pikë për të na kaluar në grup. Ne përballemi me Spanjën në ndeshjen tjetër“.

Ishte kjo fitorja e parë e Kosovës në eliminatoret e Kampionatit Botëror që prej pranimit në UEFA dhe FIFA.

Me këtë fitore, Kosova ngritet në vendin e tretë në grupin B me tri pikë, kurse Gjeorgjia mbetet në vendin e fundit me një pikë.

Ndeshjen e radhës, Kosova e luan në shtëpi ndaj Greqisë, më 5 shtator.

comment Për komente lëvizni më poshtë
Sot mund të lexoni Shfletoni kopertinat