Kampion vjeshtor i Maqedonisë së Veriut, Shkupi, njofton që ka arritur marrëveshje me mesfushorin nga Gana, Patrick Mensah, duke nënshkruar kontratë tre vjeçare me 20 - vjeçarin, i cili vjen nga skuadra Heart of Lions nga Gana.
Patrick Mensah në Heart of Lions ka shënuar 3 gola dhe ka asistuar 7 herë. Gjithashtu, mesfushori Mensah, është pjesë e kombëtares së Gana U20.
Patrick Mensah për faqen e Shkupit shprehet I lumtur që do të jetë pjesë e FC Shkupi dhe është gati për ta ndihmuar për ti arritur qëllimet tona.
“Është ndjenjë e veçantë që kam nënshkruar me një klub si FC Shkupi. Kam dëgjuar për këtë klub dhe tifozërinë e këtij klubi dhe jam jashtëzakonisht I lumtur që jam këtu. Unë jam këtu që ta ndihmoj Shkupin, ti arrijë qëllimet e caktuara dhe ju premtoj që do të punoj në këtë drejtim”, tha Patrick Mensah.
Patrick Mensah, është përforcimi I dytë për FC Shkupin në afatin kalimtar të janarit.