Sonte me fillim nga ora 21:00 do të zhvillohet një ndeshje tejet interesante, ku skuadra italiane Roma dhe ajo holandeze Feyenoord do të përballen kokë më kokë për trofeun e Ligës së Konferencës.
Stadiumi “Air Albania” do të jetë nikoqir i këtij takimi, ku ndër të tjera, para ndeshjes ka pasur përplasje nga dy tifozëritë, ku edhe janë rritur forcat e sigurisë në Portin e Durrësit dhe në Aeroportin e Rinasit.
Sa i përket Romës e Feyenoordit, të dy skuadrat janë takuar vetëm dy herë në histori, ku një fitore kanë “Giallorosët” ndërsa një ndeshje është ndarë me barazim.
Kjo do të jetë finalja e dytë evropiane, ku në të parën, respektivisht në atë të Ligës së Evropës, triumfuese doli skuadra e Eintracht Frankfurtit, e cila e mposhti në penallti Rangers.
Ja formacionet zyrtare:
Roma: Rui Patrício; Mancini, Smalling, Ibáñez; Karsdorp, Cristante, Mkhitaryan, Pellegrini, Zaleëski; Zaniolo, Abraham.
Feyenoord: Bijloë; Geertruida, Trauner, Senesi, Malacia; Aursnes, Til, Nelson, Kökçü; Sinisterra, Dessers.
