​I shumkërkuari, Gleison Bremer, flet për të ardhmen

Futboll

​I shumkërkuari, Gleison Bremer, flet për të ardhmen

Më: 5 korrik 2022 Në ora: 08:27
​I shumkërkuari, Gleison Bremer, flet për të ardhmen

Mbrojtësi i Torinos, Gleison Bremer, rifilloi stërvitjen me skuadrën e tij dhe u ka thënë tifozëve se nuk ka asnjë lajm për të ardhmen e tij derisa ai po kërkohet nga skuadra të mëdha si Interi dhe Juventusi, por edhe Paris-Saint-Germain dhe skuadra të tjera nga Premier Liga.

Qendërmbrojtësi brazilian u emërua mbrojtësi më i mirë i Serisë A për sezonin 2021-22 dhe është një nga emrat më të kërkuar në Serie-A këtë merkato.

Interi, Juventusi dhe Milani po monitorojnë mbrojtësin e Torinos dhe e njëjta gjë vlen edhe për Tottenhamin dhe Chelsean në Premier Ligë, përcjellë KosovaPress.

“Nerazzurrët” duket se janë në pole position për të siguruar nënshkrimin e tij, pasi kanë arritur tashmë një parim marrëveshje me lojtarin.

Megjithatë, Beppe Marotta nuk do të bëjë një ofertë para shitjes së Milan Skriniar, i cili është në bisedime me PSG-në.

Bremer mbërriti në “Stadio Filadelfia” të Torinos në mëngjes dhe nënshkroi autografe për disa tifozë, por kur u pyet për të rejat për të ardhmen e tij, ai u përgjigj: "Nuk ka asnjë lajm".

Mbrojtësi brazilian nënshkroi zgjatjen e kontratës me Torinon deri në vitin 2024 vetëm pak muaj më parë, por marrëveshja erdhi me premtimin për t'u larguar nga klubi në verë për të shmangur transferimin e tij të lirë në vitin 2023.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat