Shkatërrohet mafia e basteve në Stamboll, 55 milionë euro përfunduan në shtetin e rajonit 

Futboll

Shkatërrohet mafia e basteve në Stamboll, 55 milionë euro përfunduan në shtetin e rajonit 

Nga: K.G. Më: 9 gusht 2022 Në ora: 15:43
Shkatërrohet mafia e basteve

Mafia e basteve “Totobo”, e cila shtrihet nga Gjermania në Turqi dhe përfshin Maqedoninë e Veriut, është shkatërruar në Stamboll. Janë arrestuar 59 anëtarë të mafias, e cila fitoi një miliardë lira (55 milionë euro).

Operacionet ilegale të basteve janë kryer në Turqi, Gjermani dhe Maqedoni, transmeton media turke “Miliyet”.

Policia e ka kryer operacionin për tetë muaj dhe 59 anëtarë u arrestuan në Stamboll. Policia tha se po vijon operacioni për zhdukjen e një prej aferave më të mëdha të basteve të paligjshme.

Anëtarët e organizatës blenë një panel nga një dyqan legal bastesh në Gjermani dhe më pas e morën me qira dhe e sollën në Stamboll. Ata hapën agjenci në Stamboll dhe qytete të tjera dhe vazhdojnë aktivitetet ilegale të basteve.

Policia ka kryer një operacion të koordinuar në 8 qytete turke.

Pas monitorimit të llogarive të anëtarëve, u konstatua se ata kishin një xhirollogari prej 1 miliardë lirash, të cilat transferoheshin në Maqedoni përmes kriptovalutave. Në mënyrë që banka qendrore të mos i gjurmonte këto para, bëheshin pagesa nga 10-15 mijë dollarë secila dhe ato mjete grumbulloheshin në një llogari, pastaj shndërroheshin në kriptovaluta dhe transferoheshin në Maqedoni.

Hulumtimi tregon gjithashtu dyshime se një pjesë e parave është përdorur për financimin e një organizate terroriste. Hetimet  vazhdojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat