Vetëm 3 pikë, i kushton shtrenjtë trajnerit të Armenisë

Futboll

Vetëm 3 pikë, i kushton shtrenjtë trajnerit të Armenisë

Më: 30 shtator 2022 Në ora: 00:21
Vetëm 3 pikë, i kushton shtrenjtë trajnerit të Armenisë

Vetëm 3 pikë dhe vendi i fundit në Ligën e Kombeve, i ka kushtuar shtrenjtë trajnerit të Armenisë, Joakin Kaparos. Mësohet se ai nuk do të jetë më trajner i kombëtares armene, teksa lajmi është bërë publik nga vetë Federata nëpërmjet një postimi në faqen zyrtare.

Kujtojmë që Armenia ishte në Ligën B, në grup me Skocinë, Ukrainën dhe Irlandën, duke u pozicionuar në vendin e katërt, vend ky që e dërgon në Ligën C edicionin e ardhshëm.

Në pozita të ngjashme për sa i përket ecurisë në Ligën e Kombeve, është dhe Edi Reja, teksa fati i tij në lidhje me të ardhmen, pritet të zbulohet në ditët në vijim…

“Federata Armene e Futbollit dhe trajneri i kombëtares armene, Joaquin Caparros, ndërpresin bashkëpunimin me marrëveshje të përbashkët. Trajneri spanjoll nuk do të drejtojë më kombëtaren armene.

Më 28 shtator, Presidenti i FFA Armen Melikbekyan u takua me Joaquin Caparros dhe diskutoi performancën e kombëtares armene këtë vit. Gjatë takimit u arrit marrëveshja e ndërsjellë që bashkëpunimi të mos vazhdojë.

Gjatë takimit, Armen Melikbekyan e falënderoi për punën e tij, që ka qenë në krah të kombëtares në ditët e vështira për Armeninë, për shfaqjen e cilësive më të mira njerëzore dhe profesionalizmit të lartë në punë.

Drejtuesit e Federatës Armene të Futbollit, stafi që ka punuar së bashku me Joaquin Kaparos, i shprehin edhe një herë mirënjohjen e thellë trajnerit spanjoll për punën e tij dhe i urojnë suksese të reja në karrierën e tij të ardhshme.

Faleminderit!”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat