Dy emra të spikatur të futbollit, Edmond Rugova dhe Jusuf Tortoshi. Emra që lamë gjurmë, së bashku me Prishtinën e gjeneratës së artë, arritën rezultate të lakmueshme në Ligën e Parë të ish Jugosllavisë.
Bashkëlojtarë në fund të viteve të 70-ta dhe në fillim të viteve të 80-ta (deri 1985).
Dikur dridhnin një ish Jugosllavi, duke e mundur me 2:1 Partizanin e Beogradit në Prishtinë (1983), me 3:1 Cërvenën e Zvezdës në Beograd (1983), me 3:2 Dinamon e Zagrebit në Prishtinë (1983) etj.
Sot u takuan në Prishtinë, së bashku me kryetarin e tifozëve “Dardanët”, Lulzim Berisha, në njërën nga kafiteritë e Prishtinës, brenda stadiumit “Fadil Vikrri”, së bashku kanë pirë kafe.
Tortoshi e Rugova së bashku me Berishën, folën për shumë gjëra, nga Prishtina e gjeneratës së artë të kapitenit Ramadan Cimilit, kapitenit Fadil Vokrrit e deri të kombëtarja e Kosovës, e cila që nga viti 2016 e këndej, po kënaqin me lojëra të mira në garat e ndryshme.
Me theks të veçantë folën edhe për ish presidentin e KF Prishtina, Beqir Aliu, që sot iu dha lamtumira e fundit.