Fonseca mund të dënohet me 7 ndeshje pasi u përplas kokë-më-kokë me gjqytarin

Futboll

Fonseca mund të dënohet me 7 ndeshje pasi u përplas kokë-më-kokë me gjqytarin

Më: 2 mars 2025 Në ora: 20:24
Paulo Fonseca

Ish-trajneri i Milanit, tashmë i Lyonit, Paulo Fonseca rrezikon një dënim me shtatë ndeshje, pas një përplasje kokë-më-kokë me një gjyqtar në një ndeshje të Lyonit.

Fonseca në fillim të sezonit ishte te Milani, duke e drejtuar për 24 ndeshje, prej të cilave kishte 12 fitore, gjashtë humbje e gjashtë barazime.

Më 31 janar, Fonseca u zyrtarizua si trajner i ri i Lyonit në Francë.

Me fitoren e sotme ndaj Brestit, trajneri portugez ka tri fitore e dy humbje.

Gjatë ndeshjes me Brestin, trajneri u ndëshkua me të kuq pasi u përplas me gjyqtarin me fjalë, derisa pati edhe një përplasje fizike, duke vendosur kokën e tij, mbi kokën e gjyqtarit.

Ky ishte një gjest i rëndë dhe agresiv nga Fonseca, i cili pas ndeshjes kërkoi falje, duke thënë se “ishte një gjë e gabuar” për t’u bërë.

Megjithatë, “RMC Sport” raportoi pak më parë, se një gjest si ky mund të dënohet deri në shtatë ndeshje..

comment Për komente lëvizni më poshtë
Sot mund të lexoni Shfletoni kopertinat